11.12.06

暴風雨的前幾夜......

星期五個晚公司成班同事走去澳門竹灣搞 x'mas party 差唔多成點鐘先返到屋企. 人都已經"支力 支力" 地, 第二朝早吳生又要返小蜜蜂...搞到個人d 機能有d 失調 雖然抽唔到咩大獎不過都有三支crabtree 既handcream - 咪送比吳太用啦

呢個weekend 我地係青衣城渡過 - 去到佢叫我同佢影下相先 (huh?) 跟著佢又再次表現佢既狂野@波波池@婆婆樂園.. 我已經冇跟足佢全程咯, 不過我見到佢係跟住一個同佢衣著差唔多既'姐姐" 玩...奇


今個早上, office 入面未夠九點已經好嘈...同事們係度談論緊個晚party 之後同埋第二天既活動...唔夠一陣, 成斑好似著哂 matrix 入面d suit 既人係門口度  - 上海幫殺到黎啦~~呢兩個week 相係我最難頂的時候

 食飯時間做咩有人開speaker 'fun' 十個救火的少年??


1.12.06

十二月

到左一年之尾. 唔驚唔覺係呢間公司都打滾左一年,  時間真係好快...個時返工冇耐就向杜拜出發...

今朝一返黎, 聽到會有兩個同事下個星期遞信resign. 難怪既, 呢度話就話返五天, 但係d 人做野既既時間就差唔多 18*7*3xx. 冇野既, office 細, budget 唔多, 幫到手的人就少..星期六日都成日都會有d同事打我手提....好x煩  , 放假就放假啦. 做咩office 野呀....(huh? 唔好話人, 有時自己都會係咁-不過唔會無啦啦call人! )

睇住上海office就黎開波, 開始覺得我係呢度的重要性是去到某種level..但係見到咁樣, 心入面湧現出不安的感覺-總有一天會被叮走(不是因你做錯事而叮叮叮走), 冇野既, 大陸d 人工夠 "經濟"嘛

為左個屋企, 為左隻小黃蜂, 唔好唸啦, 做下野先~~

 


28.11.06

二十四


早幾日吳太同我難得有一日day off...去左 Le Medirian Cyberport 度住左一日.. 個度雖然周圍冇乜野行, 但總覺得個度好靜. 好free - 完全唔理公司的奪命call!!

話就話係我地第二次黎呢度住, 但感覺同第一次都差唔多....唯一不同的就係今次間房係對住半個海景(仲要係高層!!)  woooo~~~, 唔駛paid 多幾舊都有呢d 咁既房..仲想點??

check-in 前去左樓下食日本野, 吳太叫左個刺身定食, 送到埋黎一睇 - 正!

之後去左玩gym..係架跑步機 '暴走' 左20分鐘已經冇哂氣.....

夜晚去左佢個西餐廳度食晚 "A 啦卡地" , 因為我地冇book 到位, 坐左係張細細既兩人table度..不過最後都轉左張大既~ 叫左一個沙律, 兩個主菜 加一支白酒 - 係d "光暗不分" 的環境下食dinner, 好似好耐未試過咯

咁早餐點呀?!  個d 地方唔會都會差既...

就係咁樣 24小時的光陰就此渡過

呢張就係我地既消費紀錄 - 咁既price 仲想點?!

 


 

 

 


18.11.06

~完美的一天~





今日終到左聯校活動既大日子, 可能尋晚覆email 夜左訓搞到唔係好想起身

 ..


一去到現場, 見到好多好多唔同陀地既學生係度, 都幾熱鬧. 過左一陣就舉行開幕典禮, 陳日君都黎左做主禮guest, 呢次係我第二之見到佢既真人.


開幕典禮之後d 學生開始各自玩攤位遊戲, 每個人都手上有一張印左 1-17 號既紙, 每玩完一個就有一個stamp. 旻熹見到問我揀邊個number - 佢以為玩緊 Deal or no deal


玩到咁上下見到陳樞機比走到 黎我地左近, 仲同d 人影相, 我都唔放過呢個chance 同佢影左張..



自已雖然唔係天主教徒, 但係我都比佢個種無形的 "神氣" 感染左 -

. 天主呀, 請給予旻熹食肉的決心啦!!


整個上晝就係係走走'dat dat' 咁渡過...返到屋企休息左一陣, 夜晚再出去同吳太慶祝農曆生日..D 野食太多啦. 要打包返黎..


呢個時候吳生己經死頂, 最後睇睇下thomas 就訓左~~


 


15.11.06

遲來的秋天

今日出去食晏個時出面竟然落雨,  心想我唔好唔好"繼續行程" 呢? 不過咁岩有n 架電車黎到同埋d 雨又唔係好大...豁出去吧!

不過唸唸下好似都有一排冇落雨啦喎.

.星期五大少間幼稚園搞聯校運動會..到時唔好落就得啦..唔係就

 


12.11.06

自由行



星期六十點半先起身, 唸住大少仲未起身咪走去洗頭啦...誰不知我一入去toliet 個時佢又起埋身..之後一齊出去會合吳太飲茶. 未出門口佢係咁問我係咪搭264m - 以為去青衣城., 上到車幾驚佢話扭坐 Window seat (個時冇哂位), 不過佢又冇喎

食完野, 一行三人走去Times square 間 page one, 一去到個時, 佢即刻走左去擺thomas 書個度 - 唔知佢係咪黎過幾次關係記得哂d 位置. (反而講旅遊個d書就轉左位), 睇睇下成搞左個幾鐘, 佢話想飲水, 走左去對面間starbucks度拎 - 當然我地兩個都買左杯"是日coffee" 黎飲..

之後佢又話想食野, 買左個chocolate mousse cake - 甜到飛起 (不過係佢揀既)

跟住走左去Fables 同CityCuper 度買野...一袋二袋咁坐番969 返去.

 

 


8.11.06

愉快的一餐....


上星期三等 969b 返屋企個時, Fat angelo d人係街度派每人兩張coupon, 心唸同吳太星期五去食都好喎...商量過後決定去個度食..

去到個時話就話星期五, 都唔係好多人. 我地叫左Pina Colada 同ScrewDriver - 唔掂!

食方面, 叫左個大既三文魚闊條麵 (送左個caesar 沙律+麵包, 不過好大舊食唔哂), 白酒煮青口. 睇落好似係好多野, 但d 份量都已經食到好飽. 不錯不錯....

食完野....咦!?!?    原來仲有人坐左係度....