30.1.09

30-1-2009

今朝小弟係度唸緊去 太平洋 定係 星巴克 食Lunch, 無意間比我係網度搵到呢間咖啡鋪, 一於同吳太去試下...


去到個時我地摸了門釘, 過左一陣有位女店員返黎開鋪-原來佢一點先開門..


入到裡面, 感覺好似返左屋企咁, 成間鋪由泡咖啡到整野食都係佢一個人打理,


係牆身有塊板列出唔同種類的咖啡豆給人購買 (此相轉載自其他網頁/網友)

,


大家會發覺好冇列出食物既野...聽個位店員話因為某些原因唔可以寫出黎, 不過佢地都會提供一些 Toast 或者係 "全日朝食" (All Day Breakfast) 比客人享用..


我叫左 Latte



吳太就叫左佢既 "飛佛" - CuppaChino



我地同時叫左兩份All Day Breakfast - 有幾條腸仔, 一塊炸薯餅, 兩塊多士, 一大塊奄列同埋小份雜菜沙律...都已經食到飽飽 (我掛住食, 冇影相  )


一個小時的午餐時間, 就在只有唔憂和女店員的寧靜空間中渡過...yummy


無題之二十七

新年前後己經爆左兩單有人Write off 左既交通意外.....


今年車公呢支下籤真係要命...


雖則呢d 野唔係咩精密科學, 不過........ (無言)


 


 


 


19.1.09

學期評估

今日學校派番哂吳生上個星期的評估卷, 雖然所有主科目食唔到全餐 (滿分), 不過平均都有85分以上, 都算係有點安慰..


我們在聖誕書展買了很多練習比佢Practice 係冇白費....尤其是中文..


Anyway, 加油啦吳生~下學期再分高下!