第四年參加同樣活動, 今年順延了一個月才舉行; 雖然報名初期我是 Waitlist, 不過最後都抽中了挑戰組,
是日 rundown
跟著就公怖第一個主題: "珍惜 To Treasure", 有甚麼野係要會珍惜, 人? 物? 定係事?
出發式進行後, 大班黑衣人空群而出!! 此時身邊的公開組朋友才開始 Check-in
今年除左影相外, 官方要求我們去到兩個指定地方Check-in, 第一個就係係土瓜灣的土家, 這個早上外面陰陰天咁, 頗算清涼,搵野拍個陣都唔會好熱..
最後我來到呢間餅店, 搵到少少 Idea, 順便買個光酥餅當早餐食.
從老闆的交談中, 知道呢度係佢地做左三十多年的家族生意, 不過鋪位一路都係租既; 佢地驚一旦沙中線通車後, 可能會大幅加租到頂唔住, "做得幾耐就幾耐" , 所以兩老都好珍惜係度開鋪的日子..於是小弟就影左呢張相, 作為呢個主題的相片
第二個主題 : "留.流 Stay and Move" 聽到呢個名. 唔駛唸, 就地係剛才影到既相片中取材: 黑膠唱片"留" 著舊歌, 係唱盤上順 "流" (轉)動... 極速秒殺!
食完 Lunch, 輾轉來到第二個Check point - 中環
All checked!
過左一陣係手機中, 收到最後一個拍攝主題 : "窗 Windows", 以為好易, 唸住係PMQ 周圍取景, 不過效果同感覺麻麻
呢兩張我覺得有D Off-topic
最後走到大會堂圖書館頂層位置搏一搏, 就用呢張..
三個主題既相影完, 慢慢地由金鍾佔領區行番去會展; 途中我當然唔會忘記影下他們抗爭的紀錄啦, 不過我會係另一篇刊出.
時間尚早, 同自己打個卡,
跟著去各個 Counter 睇下野 , Upload 參賽相片
休息一下, 聽埋色彩管理和常霖法師的分享會,
小弟聽完常霖法師的講解 感覺超正...以下就係佢既其中幾句語錄:
"去到一個陌生的地方, 先用力吸一下當地的空氣, 然後再舉起相機拍照"
"時常把相機放在身邊, 留意到美好事物便拍下來, 有助陶冶性情"
"攝影的最高技術, 就是忘記技術"
最後拎著個大袋, 帶著疲倦的身驅回家..
唔知2015 年又會係點? 再抽!
沒有留言:
張貼留言