27.6.15

滋遊·淡定·賀水晶 - Day 1 Part 1

勉強地說, 這是一個  "承上.接下" 的旅程;

係前篇 關西一路發 2 - Day 7   有一句說話: "我們由石川縣經福井橫越秀麗的滋賀縣琵琶湖(西邊)到京都..."

今次, 唔憂就係趁著吳生考完期考的數天時間 , 來到這個連本地人都冇乜意識前來觀光的內陸區域. 感覺好像把我之前的遊記連在一起....
開場講完, 拎左 Boarding pass 之後拿拿聲去 lounge 食野

呢張相係我們離開個時影既 (之前好彩唔駛等) , 平日都係搞到咁.. 唉.....
今次係T1自已既閘口登機, 唔駛出戶外
去到大阪度凌晨兩點幾, 拎埋行李, 本來想係KIX lounge 抖下, 可惜 Full 哂, 
 只好坐係麥記食住野渡過時間
五點半, 天都光哂, 去JR Counter 換Pass, 繼續等等

 
上左頭班關公(空)特急, 訓左一陣來到京都, 轉乘新快速(琵琶湖線) 來到第一個落腳點- 彥根
先係酒店放低行李,
 
 變下裝備, 返到車站乘坐巴士
來到 Kirin (麒麟) 啤酒滋賀工場;  這是我們繼 Asahi, Suntory 之後, 第三個參觀過的工場, (幾時到Sapporo ??? )
除了啤酒見學外, 還有 "午後之紅茶" 見學提供比所有人預約參觀. 我們當選擇了前者, 整個過程同樣是大約五十分鐘左右
 
 
 
 試飲時段一 : 一番搾 和二番搾 既麥汁
之後就係解釋啤酒的製造過程.
 
最後當然來個試飲時段和買紀念品, 基本上和紅茶見學的人坐埋一齊
Feel free!!
大家熟識的一番啤和黑啤 (酒精 5% )
仲有工場限定版 (酒精 5.5% )
有小朋友, 可以飲其他..
講到呢度, 小弟做左一些 D 比較, 大家可以決定去邊一個

Asahi 北海道 - 佔地頗大, 每團平均十人, 講解清楚,可以親身睇到整條生產線點玩法 (詳情 : 壞友移城III - 夏之北海道 Day 6 )


Suntory 京都 - 佔地和 Asahi 差不多 (約75-80%), 每個團平均十至十五人, 講解清楚, 同樣可以親睇到大部份生產線點玩法   (詳情 :  神京.追雪 Day 2    )


呢度 - 佔地大, 因為有兩條生產線, 每個團約三十幾人 (可能我地撞正有本地團) 好多都係睇影片和展品, 冇咩實質野睇到, 午後之紅茶個邊會好D掛 (飲野就....HEEHEHEHE..)




 飲完野, 坐巴士轉JR , 來到琵琶湖東北面的長浜市


待續