2.6.08

結婚週年上半場

經歷了八年~


房間的牆身雖然有點花..但那張 9:16 的相半點兒退色也沒有...


正如我倆的關係......不會甩色而只會更"多色" (榚清?!高清!!), 因為我地 "一谷人" 嘛!


 Happy Wedding Anniversary-1st half




30.5.08

無題之十

來到新既工作地方已經三個星期, office 內的氣氛差不多回復之前在IFC 的景象.


不過因為位置的因素, 身邊同事之間每天的話題總是提及 "今日去邊度食Lunch 好呀??"..


對我來說反而睇下周圍有什麼 "成本少, 效益大" 的早餐可揀下....果然係附近都搵到d "地道" 野-炒麵/米, 腸粉, 麵包 (唔係美心個D)....仲有唔少得"茶餐廳式既"....


溫馨提示:今日冇食到呢個!! 都係係一句, "即食麵食得多唔好, 一星期一次就夠啦!!"


打到呢度有少少抑鬱添...整杯野飲下先


就是這樣, 今年的五月就在橫風橫雨的天氣下過去...


18.5.08

禮拜六, 有節目

公司經歷了盛大的開張式之後, 一切回歸如常....


岩岩過左去既週末, ,一家人去左Yoho Club 度玩吳生係度過一個下晝


首先去左游水...佢可以一路拉著條 lane線遊左半個池 (當然有水泡係身啦!), 吳太就係旁邊的按摩池度浸..


跟著去了兒童遊樂室....吳生完全係"忘我演出"


呢張.....係邊度見過呢?



遊樂室之後去左打 BOWLING......



佢用左個8磅波打左一球 8枝樽...算係咁..


夜晚係左近的西餐廳食DINNER....不過呢個時候他已經訓左...因為太太太太太太累了


臨埋單前發生了一件搞笑事件.....不知是否吳生係咪未訓醒...一睜開眼的時候指著外面, 我們以為他想離開...怎料數秒之後走到去隔鄰食客的身邊  (因為那位食客的衣著和我著的差不多一樣 ...佢以為我坐左係第二個位置!). 個位食客同埋我地即時 O 哂兼勁Embarrass....不過都冇咩特別野..


 


14.5.08

新地方, 舊作風

經過了幾日做到半殘的勞動之後, 新既 Office 終於正式運作..


呢D 係我未傻之前影既..


這間是 Training room...不過燈光既擺位不太好...



從 office 望出去...又是另一個景象


9.5.08

IFC 今日陽光普照

終於到了呢一刻...


今日公司開始大規模咁 Pack / 搬野去新Office...


歷史....正在重覆中


7.5.08

往小一之路 - 第六章

距離小一統一派位還有一個月的時間..


希望吳生可以入到頭兩個志願的學校啦..


而家唸起都有少少抑鬱 (因為上次斷送了一次好的機會)


5.5.08

"我會Lead 好呢班人!!" 之年終結算

九個月既時間真的很快....今日終於到我的學生 Present 佢地既 Final Year Project


明日之後, 又會是另一個新的開始..


未知道來年的學生的質素又會是怎樣呢?~


25.4.08

無題之九

公司還有兩個星期就要搬去新的地方了..


很不捨得在 IFC 返工日的子...


 


21.4.08

無題之八

經過左幾個星期考究之後, 決定了吳生 "畢業旅行" 的地點是日本....(那是他的"誕生之地" ) - 不過這次是參加 縱X遊的 "流行東京包羅萬有溫泉五天遊"


見到呢度你實會問 "Huh?! 編號兄你唔係去開自由行架,  點解會咁既?"


因為今次同時有兩位重要長輩同行...其次小朋友去呢D 旅行 十居其七行都會係 "行一陣冇耐就話累" 所以比D AGENT 安排哂D 細節會好一點...這樣自已又可以暗中做一些 "實地考察" ...比杜如風不遑多讓


仲有一樣野, 就係在下將會單獨挑戰富士急 Highland 的 "戰慄迷宮 4.0"


http://www.fujiq.jp/senritsu/


2008的夏天- 我們一齊(跟團)流行東京!!


13.4.08

銅鑼灣之行

一個星期好快咁過左去...晏晝飲完茶之後帶左吳生出去銅鑼灣時代廣場 - 目的是去 Page One 度睇 Thomas and Friends 既書


打了一輪書釘之後去對面的魚一丁食晚飯....


食完野吳生拎左部相機係度亂影一通...以下 就係佢的 "傑作" ....



 之後又過番去CIITYSUPER 食炒雪榚



再去埋SOGO 的超市行...無意中吳太見到圖中右邊既野, 即刻


因為好好好好好耐都冇見過...最後買左兩盒就回家了...


呢一天就係咁樣渡過..- 查實我們順道為六月吳生的 "畢業旅行" 做了些資料搜集.


8.4.08

無題之七

今日上午去了聽 M$ 既seminar, 難得今日可以係架村巴度訓耐d.


去到灣仔想搵間餐廳仔食野, 行行下都冇咩邊間有位, 最後都係去番以前食開個間...



雖然食得即食麵多都唔係咁好...不過偶爾一次半次個人都覺得OK 既.


去到會展, 在下所見入面好多參加者都好似熟口熟面...似曾係某某 Seminar 都見過...


~It's a (Sleeping) world~