東京120 - 汗都冇滴之旅 (最終回)

Day 5

黎到最後一日, 時間真係過得好快.....呢一個朝早食完早餐後返去房間準備checkout...呢間酒店個外表有d 舊..但勝在咩都齊, 夠方便

返到去新宿站, 我地即去搵d locker擺哂d 行李...但發現站外的locker 既size竟然放唔到我地個新喼!!

. 情急之下索性比多¥130走入閘收費區入面.搵左一陣終於搵到-原來要係3-4號月台個邊先有(個度係坐N'EX) 大個既size 既locker ...期間發生左"Locker 強奪事故"!!...(有興趣私下至講!)

Settle 哂d 野後, 就用呢最後的係日本幾個小時係新宿市內走....先後去左伊勢丹, 0101 , 歌舞技丁, Lumine, 小田急百貨, BigCamera 同櫻花屋.等....都買左d 野既..

14:38

行返去新宿站d locker 度拎番d 行李.."回家程序" 開動啦..



15:00

黎到月台旁邊, 同吳太耐心等候 N'EX 31 號車既來臨, 月台上見到好多自已友 (香港人)  都係度排緊隊..




15:12



NEX 31 號開車咯(好準時!!) , 列車的途中經過我地去過既原宿/涉谷時, 吳太的眼神表現出一種依依不捨的感覺, 我同佢講左一句 "We'll be BACK!!"

16:30

80 分鐘的車程後到左成田 Terminal 2, 由於我地都係網上做左check-in 既, 所以唔駛去排長龍寄艙, 前後10 mins 到搞掂哂  ,

 之後唸住走去d lounge 度坐下...點知

出事啦~~個 Lounge 竟然係禁區之外!!

但官方網頁又沒提及到. 我地仲一口氣做哂出境手續...到頭來...吳太呢個時候即刻運起少林易筋經-由紅->黃->藍->白->黑 全程唔夠兩秒!!

自已心知不妙, 拿拿聲同佢搵間野食個加喱飯下一下火先..此乃成個行程唯一不足既地方

. 食完野係dutyfree  度行左一陣就去上機啦.返黎個時..同樣見到一堆堆成手野的自己友.

 雖然係三個位, 不過得我地兩個人坐..可以鬆動d咁食飛機餐...

 

19:00

同一時間成田有好多既飛機升降, 我地要等左一陣先起行, 未幾....再次聽到四隻老鼠既叫聲 ~日本, 下次見啦!  我們先回家去了! 

20:xx

飛機餐同黎個程差唔多..都可以接受

 
23:xx  (回到香港時間)

終於返到黎啦. 上到巴士過左冇耐就訓著左...埋藏左幾天的疲累終於走出來了...

回到家後 打開自已的電腦查看郵件...嘩! 唔好多d...

總結五天的行程, 可以用八個字形容...


"身心啟滴, 汗都冇滴" ....