東京120 - 汗都冇滴之旅 (最終回)

Day 5

黎到最後一日, 時間真係過得好快.....呢一個朝早食完早餐後返去房間準備checkout...呢間酒店個外表有d 舊..但勝在咩都齊, 夠方便

返到去新宿站, 我地即去搵d locker擺哂d 行李...但發現站外的locker 既size竟然放唔到我地個新喼!!

. 情急之下索性比多¥130走入閘收費區入面.搵左一陣終於搵到-原來要係3-4號月台個邊先有(個度係坐N'EX) 大個既size 既locker ...期間發生左"Locker 強奪事故"!!...(有興趣私下至講!)

東京120 - 汗都冇滴之旅 (四)

Day 4

今日我地會變成Lighting McQueen - 一日內極速去四個唔同地方

同早兩日一樣, 食完早餐, 搭酒店車去新宿站, 今次買左張¥730 既都內一日pass (計過條數去哂咁多地方來回的費用>¥730) . 之後去搭山手線.....

東京120 - 汗都冇滴之旅 (三)

Day 3

咋天去完橫濱後, 今日可以唔駛咁早起身. 食左早餐出番去新宿站, 上晝的目的地去左吉祥寺, 搭JR 中央線"快速" 都係20分鐘左右. 一落左車, 睇到周圍D 大廈都唔係好高, 人流又唔係多. 突然回想番早年奈良之行(紅葉紛飛既feel)..之後跟著指示去左個頭既購物街...個時時間尚早好多鋪頭都未開, 我地就係個度走了一遍....

東京120 - 汗都冇滴之旅 (二)

Day 2

黎到東京都的第一個早上, 出面既凍又乾, 不過就好好太陽, 係酒店食左個早餐

之後坐shuttle bus 去新宿站, 今日我地向橫濱出發. 當時正值上班時間. 人頭湧湧.買左兩張橫濱daypass 之後走去二番線(二號月台) 搭湘南新宿ライン ("line" - 唔明點解呢條線會用日文拚音取名,  其他山手, 中央, 總武, 京葉等都係用漢字既 "線" , 唔通咁叫型仔d?) .



10:30 開車, 十一點幾左右就到左新木場(因為我地坐"特急"), 之後再轉左seaside line 去bayside outlet....



11:30

跟住d 指示, 好快去到bayside outlet 一去到, 已經比佢海邊既風景吸引住..



呢個 Outlet 係好多野買, 不過我地剩係買左d 衫比吳生 Lunch 就係入面d 餐廳食..都唔錯

16:30

坐番seaside line轉JR 去櫻木町- 横浜(みなとみらい21) Minato Mirai 21

既地方, 個時已經開始日落, 個景觀無得頂. 我地都有行過日劇 "海猿" 入面既個條橋..海風加上清新的空氣...感覺好正

19:00

再由櫻木叮轉車去橫濱站


個Bayquarter -地方係新不過冇咩野睇..同時D 鋪頭差唔多又打烊

行完之後坐番車返新宿...個時個已經有d 餓餓地...本想想去 "思出橫丁食街頭麵, 但係太多人啦) 最後去左間叫 '松板" 既快餐店度食.

21:50

食完飯後行番去新宿站西口搭的士返酒店, 只不過係五分鐘車程就收左¥580 (HKD$38) 真貴食! 冇計!  個時黎已經十點幾...day 2 完~

次回 - heahea吉祥~

東京120 - 汗都冇滴之旅 (一)

Day 1

05:20

幾個小時的睡眠中感覺到自己個的腦入面不停係度process 緊隨後五天的時間點樣去optimize. 搞到五點幾起身個時個有d痕痕地, 梳洗過後就拎著個新買既喼出發 - 個時天都未光- 名符其實的 "破曉出擊"!

07:10

到左機場, 個時都唔係太多人, 不過見到 "西瀛遊" 同埋 "不安" 既領隊已係度等鴨仔, 不過好似冇咩人黎. 因為我地之前已經網上check-in 左, 所以好快就搞掂. 之後過移民局都係一樣(用E-道). 前後唔駛10 mins,行左一陣d 店鋪後同吳太左去左個 lounge 度hea 下, 順便食埋早餐

, 之前出trip 都有去呢度d lounge 度hea...不過同吳太一齊既感覺係唔同d 既..


09:40

今次登機既閘口就係我地個lounge 既隔離 (5 分鐘行到過去 - 上次去上海個機閘口冇雷公咁遠)



我地9:35 分先行過去, 個時已經好多人係度排隊..唔理啦, 跟大隊啦..過左冇耐就上機

10:23

飛機兩邊個四隻"碌死老鼠" 同時開動 ~~ JL730 発進する~~

14:45 (之後所講的都係日本時間)

食完個飛機餐



過左冇耐,  睇到窗外既一片片農地,  知道差唔多降落既時候 - 東京 - 我返黎啦

15:30

拎番哂D行李之後, 因為時間尚早, N'Ex 去新宿個斑車要四點幾先有, 我地唯有坐京成本線, 係架車入面大多數都係拎住一個一個(內裡可能是空的) 皮喼.

相比N'EX 同埋Skyliner, 雖然呢架車係慢少少, 不過一路上可以望到千葉縣四周的鄉下地方, 感覺好正, 冇耐就去到上野轉山手線 (查實我地可以係日暮里站轉車都得)

17:30

終於去到新宿啦...個時個天已經黑哂 (五點幾咋喎-hk 係四點幾!!) 去到酒店checkin 擺低哂d 野, 即刻坐番shuttle bus 去返新宿站西口 - 開始係呢個不夜城留低我倆的足印.....同埋體內的芳香!!

晚飯去左"東方見聞錄" , 不過不失~


21:30

係新宿西口坐番酒店既 shuttle bus 返去酒店休息...係新宿的這四晚都係住了新宿NEW CITY HOTEL


Day 1 就係咁樣渡過

次回 - 漫步於 横浜(みなとみらい21) Minato Mirai 21 , 尋找海猿個八月十五....

2007 - 向世界出發

2006年的最後三天, 收到一間公司既電話 - 佢地個IT manager 既位決定offer 比我. 聽完之後成個人爽哂,搵左好耐終於搵到份心頭好, 雖然早期都係one man band, 不過佢話會有"靚" 跟我. 嘿, 又睇下點. 之後打左出黎做野以來既第三封resign letter. 佢地都有出counter..不過都係好失望...算吧, 你地搵個第二個啦..

跟著過兩個星期, 等待左差唔多三年既事終於實現左- 日本東京之行...雖然係短短五日有d唔夠喉, 不過此行實在太high 啦...

...

次回就會將呢次既行程描述出黎.....切に期待している!! 

Happy New Year!!

新既一年, 係呢度祝各網友新一年身體健康, 工作/愛情順利

暴風雨的前幾夜......

星期五個晚公司成班同事走去澳門竹灣搞 x'mas party 差唔多成點鐘先返到屋企. 人都已經"支力 支力" 地, 第二朝早吳生又要返小蜜蜂...搞到個人d 機能有d 失調 雖然抽唔到咩大獎不過都有三支crabtree 既handcream - 咪送比吳太用啦

呢個weekend 我地係青衣城渡過 - 去到佢叫我同佢影下相先 (huh?) 跟著佢又再次表現佢既狂野@波波池@婆婆樂園.. 我已經冇跟足佢全程咯, 不過我見到佢係跟住一個同佢衣著差唔多既'姐姐" 玩...奇怪

今個早上, office 入面未夠九點已經好嘈...同事們係度談論緊個晚party 之後同埋第二天既活動...唔夠一陣, 成斑好似著哂 matrix 入面d suit 既人係門口度  - 上海幫殺到黎啦~~呢兩個week 相係我最難頂的時候

咦  食飯時間做咩有人開speaker 'fun' 十個救火的少年??

十二月

到左一年之尾. 唔驚唔覺係呢間公司都打滾左一年,  時間真係好快...個時返工冇耐就向杜拜出發...

今朝一返黎, 聽到會有兩個同事下個星期遞信resign. 難怪既, 呢度話就話返五天, 但係d 人做野既既時間就差唔多 18*7*3xx. 冇野既, office 細, budget 唔多, 幫到手的人就少..星期六日都成日都會有d同事打我手提....好x煩  , 放假就放假啦. 做咩office 野呀....(huh? 唔好話人, 有時自己都會係咁-不過唔會無啦啦call人! )

睇住上海office就黎開波, 開始覺得我係呢度的重要性是去到某種level..但係見到咁樣, 心入面湧現出不安的感覺-總有一天會被叮走(不是因你做錯事而叮叮叮走), 冇野既, 大陸d 人工夠 "經濟"嘛

為左個屋企, 為左隻小黃蜂, 唔好唸啦, 做下野先~~

 

二十四

早幾日吳太同我難得有一日day off...去左 Le Medirian Cyberport 度住左一日.. 個度雖然周圍冇乜野行, 但總覺得個度好靜. 好free - 完全唔理公司的奪命call!!

話就話係我地第二次黎呢度住, 但感覺同第一次都差唔多....唯一不同的就係今次間房係對住半個海景(仲要係高層!!)  woooo~~~, 唔駛paid 多幾舊都有呢d 咁既房..仲想點??

check-in 前去左樓下食日本野, 吳太叫左個刺身定食, 送到埋黎一睇 - 正!

之後去左玩gym..係架跑步機 '暴走' 左20分鐘已經冇哂氣.....

夜晚去左佢個西餐廳度食晚 "A 啦卡地" , 因為我地冇book 到位, 坐左係張細細既兩人table度..不過最後都轉左張大既~ 叫左一個沙律, 兩個主菜 加一支白酒 - 係d "光暗不分" 的環境下食dinner, 好似好耐未試過咯

咁早餐點呀?!  個d 地方唔會都會差既...

就係咁樣 24小時的光陰就此渡過

呢張就係我地既消費紀錄 - 咁既price 仲想點?!